නොකියන ලද වචනයෙන් කිසිවෙකුට හානියක් හෝ සිත් රිදීමක් නොවේ.

කෝපයා මෝඩකමි පටන් ගෙන පසුතැවිල්ලෙන් අවසන් වෙයි.

මිනිස් ජීවිතයට සිතෙහි ප්‍රීතිය ආහාරයකි. දුක බෙහෙතකි.

කාන්තාවකට සෑම වයසකදීම අලංකාරය ගෙන දෙන අවිය නිහතමානි බවයි.

රැය රහසේ මල් පුබුදුවා දහවලට එහි කීර්තිය බාර දෙයි.

ආසාවෙන් පැතූ සියලු දේ වේදනාවෙන් කෙලවර වේ.

කියවීම නරක සිතුවිලි වලින් ගැලවීමට ඇති නියම මගයි.

සැප නින්දක් සදහා අවශ්‍යයම බේත සන්සුන් සිතයි.

ඔබ මිතුරන් අතරේ ජනප්‍රිය වීමට කැමති නම් ඔවුන් කියන

හැම දෙයකටම සවන් දෙන්න.

කාලය කිසිවෙකු වෙත නතර නොවේ.

නිදහස දිනාගන්නවාට වඩා අමාරු කාර්ය ඒ නිදහස රැක ගැනීමයි.

පරාජය ගැන බිය පුද්ගලයාට හිමිවන්නේ පරාජයමයි.

සතුට,ප්‍රීතිය රදා පවතින්නේ ඔබට ලැබෙන දේ වලින් නොව

ඔබ අනුන්ට දෙන දේ වලිනි.

ස්ත්‍රියකගේ ශක්තිය ඇගේ දිවෙහි පිහිටා ඇත.

දරුවාට ඉගැන්විය යුත්තේ මහත්මයකු වීමට නොව මිනිසෙකු වීමටය.